Gukurikirana abashakishwa

Ishyirwaho rya MICT ni intambwe y’ingenzi mu ngamba zo kurangiza imirimo y’Inkiko zombi. Gushakisha, gufata no gukurikirana abantu bose barezwe na TPIR batarafatwa ni imwe mu nshingano z’ibanze za MICT. Mu bantu 90 bakorewe inyandiko z’ibirego na TPIR, umunani ntibarafatwa. Hateganyijwe ko muri abo bantu umunani, batatu bazaburanishwa na MICT: Félicien Kabuga, Protais Mpiranya na Augustin Bizimana. Porokireri wa TPIR yasabye ko imanza z’abantu batanu batarafatwa zoherezwa kuburanishirizwa mu Rwanda: Fulgence Kayishema, Charles Sikubwabo, Aloys Ndimbati, Ryandikayo, na Phénéas Munyarugarama.

 

Poster

Ibiro bya Porokireri wa MICT bifite itsinda ry’abantu bashinzwe gukusanya amakuru arebana n’aho abantu batarafatwa baherereye n’ibyo bahakora, no gutera inkunga inzego z’ubutegetsi bw’ibyo bihugu zishinzwe kubahiriza amategeko mu gufata abo bantu.

Umurimo w’itsinda rishinzwe gushakisha abantu batarafatwa urimo inzitizi zikomeye: amwe mu mayeri abo bantu batarafatwa bakoresha kugira ngo ubutabera butabafata ni uguhindura guhindura umwirondoro, hakaba no kuba bataguma ahantu hamwe mu karere kagari ko muri Afurika y’uburasirazuba, iyo hagati n’iy’amajyepfo, no mu duce tugoye kugerwamo two muri Repubulika Iharanira Demukarasi ya Kongo. Kugira ngo abo bantu batarafatwa bashobore gufatwa, ubufatanye bw’ibihugu bakekwa kuba barimo ni ingirakamaro.

 

Abaregwa 1 batarafatwa bagomba kuburanishwa na IRMCT

 
  • Mpiranya, Protais
  • Itariki y’amavuko: ahagana mu mwaka wa 1960
  • Umurimo: yari komanda w’Umutwe w’abasirikare barindaga Perezida w’u Rwanda.
  • Ibyaha ashinjwa: jenoside, (bitabaye jenoside) kuba icyitso cy’abakoze jenoside, ibyaha byibasiye inyokomuntu (ubuhotozi, itsembatsemba, gusambanya ku gahato, gutoteza, n’ibindi bikorwa bibi birenze kameremuntu), kunyuranya bikomeye n’Ingingo ya 3 y’Amasezerano y’i Jeneve n’Inyongera yayo ya II (ubuhotozi).
  • Yatangiye gushakishwa kuva: 28 Mutarama 2000
  • IFISHI Y’AMAKURU KU RUBANZA

Abantu batanu bazaburanishwa n’inkiko zo mu Rwanda

  • Kayishema, Fulgence
  • Itariki y’amavuko: 1961
  • Umurimo: yari Umugenzacyaha wa Komine ya Kivumu muri Perefegitura ya Kibuye.
  • Ibyaha ashinjwa: jenoside, (bitaba jenoside) bikaba icyitso cy’abakoze jenoside, ubwumvikane bugamije gukora jenoside, ibyaha byibasiye inyokomuntu (itsembatsemba).
  • Yatangiye gushakishwa kuva: 4 Nyakanga 2001
  • Urubanza rwimuwe ku itariki ya: 22 Gashyantare 2012
  • IFISHI Y’AMAKURU KU RUBANZA
  • Munyarugarama, Phénéas
  • Itariki y’amavuko: 1 Mutarama 1948
  • Umurimo: Riyetona Koroneri mu Ngabo z’u Rwanda; ni we ofisiye w’umusirikare wari ufite ipeti ryo hejuru kurusha abandi mu kigo cya Gako, mu karere ka Bugesera muri Perefegitura ya Kigali-Ngari, hagati y’intangiriro z’umwaka wa 1993 n’itariki ya 14 Gicurasi 1994.
  • Ibyaha ashinjwa: jenoside, (bitaba jenoside) bikaba kuba icyitso cy’abakoze jenoside, guhamagarira abantu mu ruhame kandi mu buryo butaziguye gukora jenoside, ibyaha byibasiye inyokomuntu (itsembatsemba, ubuhotozi, gutoteza no gusambanya ku gahato)
  • Yatangiye gushakishwa kuva: 4 Werurwe 2002
  • Urubanza rwarimuwe: 28 Kamena 2012
  • IFISHI Y’AMAKURU KU RUBANZA
  • Ndimbati, Aloys
  • Itariki y’amavuko: hagati y’umwaka 1950 n’ahagana mu wa 1955.
  • Umurimo: yari Burugumesitiri wa Komine ya Gisovu, Perefegitura ya Kibuye
  • Ibyaha ashinjwa: jenoside, (bitaba jenoside) bikaba kuba icyitso cy’abakoze jenoside, guhamagarira abantu mu ruhame kandi mu buryo butaziguye gukora jenoside, ibyaha byibasiye inyokomuntu (itsembatsemba, ubuhotozi, gutoteza no gusambanya ku gahato)
  • Yatangiye gushakishwa kuva: 28 Ugushyingo 1995
  • Urubanza rwimuwe ku itariki ya  25 Kamena 2012
  • IFISHI Y’AMAKURU KU RUBANZA
  • Ryandikayo
  • Itariki y’amavuko: ahagana mu mwaka wa 1961
  • Umurimo: umucuruzi muri Segiteri ya Mubuga, Komine ya Gishyita; umurwanashyaka w’Ishyaka Riharanira Demukarasi muri Repubulika (MDR) , ishami rya Pawa.
  • Ibyaha ashinjwa: jenoside, icyitso cy’abakoze jenoside, guhamagarira abantu mu ruhame kandi mu buryo butaziguye gukora jenoside, ibyaha byibasiye inyokomuntu (itsembatsemba, ubuhotozi, gutoteza no gusambanya ku gahato)
  • Yatangiye gushakishwa kuva: 28 Ugushyingo 1995
  • Urubanza rwimuwe ku itariki ya: 20 Kamena2012
  • IFISHI Y’AMAKURU KU RUBANZA
  • Sikubwabo, Charles
  • Itariki y’amavuko: hagati y’umwaka wa 1940 n’ahagana mu wa 1945
  • Umurimo: Burugumesitiri wa Komine ya Gishyita muri Perefegitura ya Kibuye.
  • Ibyaha ashinjwa: jenoside, (bitaba jenoside) bikaba kuba icyitso cy’abakoze jenoside, ubwumvikane bugamije gukora jenoside, ibyaha byibasiye inyokomuntu (ubuhotozi, itsembatsemba n’ibindi bikorwa bibi birenze kameremuntu)
  • Yatangiye gushakishwa kuva: 28 Ugushyingo 1995
  • Urubanza rwarimuwe: 26 Werurwe 2012
  • IFISHI Y’AMAKURU KU RUBANZA